5,500mAh Battery နဲ့ အကြမ်းခံ ကိုယ်ထည် ပါလာတဲ့ vivo Y19s ကို ကြေညာ – MyTech Myanmar

vivo က Y19s ကို ကြေညာလိုက်ပြီး အကြမ်းခံ ဒီဇိုင်းနဲ့ ကြီးမားတဲ့ 5,500mAh Battery ထည့်သွင်းထားပါတယ်။ 6.68” HD+ 90Hz LCD တပ်ဆင်ထားပြီး 5MP ဆဲလ်ဖီး ကင်မရာကို Punch Hole မှာ တပ်ဆင်ထားပါတယ်။

အနောက်ဘက်မှာ 50MP နဲ့ အပို ကင်မရာ ထည့်သွင်းထားပြီး ကင်မရာ Island မှာ RGB LED Ring ပါပါတယ်။ စတီရီယို စပီကာတွေ ထည့်သွင်းထားပြီး ဆူညံတဲ့ ပတ်ဝန်းကျင်မှာ အသံကို ၃၀၀ ရာခိုင်နှုန်း တိုးမြှင့်နိုင်ပါတယ်။

အောက်ပြုတ်ကျတာကို ခံနိုင်တဲ့ ဒီဇိုင်းနဲ့ တည်ဆောက်ထားပြီး IP64 ရေစိုခံစံနှုန်း ထည့်သွင်းထားပါတယ်။ MIL-STD-810H အကြမ်းခံစံနှုန်း ပါပါတယ်။ 15W Charging ပါတဲ့ ကြီးမားတဲ့ 5,500mAh Battery ထည့်သွင်းထားပါတယ်။

Unisoc T612 Chip မောင်းနှင်ထားပြီး 6GB RAM နဲ့ 128GB Storage ထည့်သွင်းထားပါတယ်။ SIM Card ၂ ခုနဲ့ microSD Card စိုက်နိုင်ပြီး Android 14 အခြေပြု FuntouchOS 14 မောင်းနှင်ထားပါတယ်။ T612 ဟာ 4G Chipset ဖြစ်တဲ့အတွက် 5G ဆက်သွယ်မှု မသုံးနိုင်ပါဘူး။

vivo Y19s ရဲ့ ဈေးနှုန်းနဲ့ ရောင်းချမယ့် အချိန်ကို မသိရသေးဘဲ vivo က မကြာခင် ကြေညာနိုင်ပါတယ်။

Ref : gsmarena