Written by 
MTO
မဇ္ဈိမ။ ။တော်လှန်ရေးအရှိန်မြင့်လာတာနဲ့အမျှ မြန်မာနိုင်ငံဒေသအနှံ့မှာလည်းတိုက်ပွဲတွေ ပြင်းထန်လာပါတယ်။ တိုင်းရင်းသားလက်နက်ကိုင်တပ်ဖွဲ့တွေဟာ မဟာမိတ်စုဖွဲ့မှုနဲ့အတူ စစ်ကောင်စီကိုတိုက်ခိုက်နေကြပြီး စစ်ရေးအောင်မြင်မှုတွေရရှိနေပါတယ်။
အညာဒေသမှာတော့ အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန(MOD)၊လက်အောက်ခံ ပြည်သူ့ကာကွယ်ရေးတပ်တွေဟာ မြို့ကိုးမြို့ကို ထိန်းချုပ်ထားပေမယ့် လက်ရှိထက်သာလွန်တဲ့ စစ်ရေးဖော်ဆောင်မှုတွေပြုလုပ်နိုင်ဖို့နဲ့ အားလုံးပါဝင်တဲ့တပ်ပေါင်းစုတည်ဆောက်ဖို့ လိုအပ်နေပြီလို့ တော်လှန်ရေးအင်အားစုတွေနဲ့ နိုင်ငံရေးအသိုင်းအဝိုင်းက တိုက်တွန်းပြောဆိုလာကြပါတယ်။
အညာတော်လှန်ရေးတပ်ပေါင်းစုတည်ဆောက်နိုင်ဖို့ ဘာတွေလိုအပ်နေတာပါလဲ။ အညာဒေသက ကာကွယ်ရေးတပ်ဖွဲ့ဝင်တွေ၊တော်လှန်ရေးအင်အားစုတွေရဲ့ သုံးသပ်ချက်တွေနဲ့အတူ ဒီရုပ်သံမှာကြည့်ရှုနိုင်ပါတယ်။
သတင်း – MTO
တည်းဖြတ်/တင်ဆက် – MTO