လာမည့်ဒီဇင်ဘာတွင် အမေရိက၌ ရုံတင်မည့် Babygirl ရုပ်ရှင်တွင် နစ်ကိုးကစ်မင်း၏ ဇာတ်ကောင် နေထိုင်ရာ နေရာဖြစ် ထည့်သွင်းရိုက်ကူးခဲ့သော နယူးယောက်မှ Penthouse ခန်းကို လျှော့ဈေးဖြင့် ရောင်းမည် – iMyanmarHouse.com

ယခုနှစ် သြဂုတ်လက ဗင်းနစ်မြို့တွင် မိတ်ဆက်ပြသခဲ့ပြီး လာမည့် ဒီဇင်ဘာတွင် အမေရိကန်ပြည်ရှိ ရုပ်ရှင်ရုံများ၌ ရုံတင်တော့မည့် Babygirl ရုပ်ရှင်တွင် ထက်မြက်သော စီအီးအိုတစ်ဦးအဖြစ် ပါဝင်သရုပ်ဆောင်ထားသူ နစ်ကိုးကစ်မင်း၏ ဇာတ်ကောင်နေထိုင်ရာ နေရာအဖြစ် ရိုက်ကူးပြသခဲ့သော နယူးယောက်မြို့မှ duplex Penthouse ခန်း လျှော့ဈေးဖြင့် ရောင်းချရန် ရှိနေသည်။

Babygirl ရုပ်ရှင်မှာ iMDb rating 6.0 ရရှိထားပြီး စွမ်းအား၊ ရမ္မက်ပြင်းပြမှုတို့အပေါ် အခြေခံထားသော ရုပ်ရှင်ဖြစ်ကာ လာမည့် ခရစ္စမတ်နေ့တွင် အမေရိကန်ပြည်တဝန်း ရုံတင်ပြသရန် စီစဉ်ထားသည်။

နစ်ကိုးကစ်မင်းသည် ဗင်းနစ်ရုပ်ရှင်ပွဲတော်တွင် အဆိုပါဇာတ်ကားဖြင့် အကောင်းဆုံးဇာတ်ဆောင်မင်းသမီး အဖြစ် Volpi Cup ရရှိထားသည်။

Penthouse ခန်းတည်နေရာမှာ နယူးယောက်မြို့မှ 200 Amsterdam အမည်ရှိ ကွန်ဒိုအဆောက်အအုံတွင် ဖြစ်သည်။

အဆိုပါ Penthouse ခန်းတွင် ကမ္ဘာ့အအောင်မြင်ဆုံး အိမ်ခြံမြေအကျိုးဆောင်တစ်ဦးဖြစ်သူ Ryan Serhant နှင့် သူ၏ အကျိုးဆောင်အဖွဲ့အကြောင်း ရိုက်ကူးထားသည့် Netflix ရုပ်သံအစီအစဉ်ဖြစ်သော Owning Manhattan ၏ 2nd Season ကို ရိုက်ကူးသွားရန် စီစဉ်ထားသည်။

ပြီးခဲ့သောနှစ်အတွင်းက အရောင်းဈေးကွက်တင်ခဲ့ရာတွင် ကန်ဒေါ်လာ ၃၈ သန်းဈေးခေါ်ခဲ့သော်လည်း ယခုအခါ ကန်ဒေါ်လာ ၃၄ ဒသမ ၉၉ သန်းသို့ ဈေးလျှော့ပေးလာသည်။

(Babygirl ရုပ်ရှင်တွင် နစ်ကိုးကစ်မင်း၏ ဇာတ်ကောင်မှာ ယခု Penthouse ခန်းတွင် နေထိုင်သည်။ ဓာတ်ပုံ-Everett Collection)

 

(အခန်းဖွင့် ခင်းကျင်းထားပြီး စားသောက်ရန်နေရာပါသည့် မီးဖိုဆောင်မှာ နယူးယောက်မြို့ကြီး၏ အံ့မခန်းရှုမျှော်ခင်းများ ပိုင်ဆိုင်ထားသည်။ ဓာတ်ပုံ-Evan Joseph Images)

 

(duplex ခန်းကို ချိတ်ဆက်ပေးထားသော မော်ဒန်လှေကား။ ဓာတ်ပုံ- Evan Joseph Images)

 

(ပြင်ပကမ္ဘာနှင့် ထိတွေ့နိုင်မည့် လသာဆောင်။ ဓာတ်ပုံ- Evan Joseph Images)

 

(စတုရန်းပေ ၆၃၄၇ ပေ ကျယ်ဝန်းသော Penthouse ခန်း၏ ဧည့်ခန်း။ ဓာတ်ပုံ- Evan Joseph Images)

 

(အိပ်ခန်း ၄ ခန်းအနက်မှ တစ်ခန်း။ ဓာတ်ပုံ- Evan Joseph Images)

 

(မီးလင်းဖိုတစ်ခုလည်းရှိသည်။ ဓာတ်ပုံ- Evan Joseph Images)

နယူးယောက်မြို့၊ Upper West Side ရှိ 200 Amsterdam ကွန်ဒိုအဆောက်အအုံကြီး၏ ၄၉ ထပ်နှင့် အထပ် ၅၀ တို့တွင် ဖြန့်ကျက်တည်ရှိသော အခန်းဖြစ်သည်။

200 Amsterdam ကွန်ဒိုသည် အထပ်ပေါင်း ၅၂ ထပ်ရှိပြီး အနောက် ၆၉ လမ်းနှင့် အနောက် လမ်း၇၀ တို့ကြား တည်ရှိကာ ထိုဒေသတွင် အမြင့်မားဆုံး အဆောက်အအုံ ဖြစ်သည်။

အခန်းအကျယ်အဝန်းမှာ ၆၃၄၇ စတုရန်းပေရှိပြီး အိပ်ခန်း ၄ ခန်း၊ လသာဆောင်များပါဝင်ကာ Central Park ပန်းခြံကြီးနှင့် ဟတ်ဆန်မြစ်တို့၏ ရှုမျှော်ခင်းများ ပိုင်ဆိုင်ထားသည်။

(အိမ်ခြံမြေအကျိုးဆောင် Ryan Serhant ။ ဓာတ်ပုံ-GC Images)

 

(ရှုမျှော်ခင်းကောင်းများ ပိုင်ဆိုင်ထားသော ရေချိုးခန်း။ ဓာတ်ပုံ- Evan Joseph Images)

 

(ညစာစားခန်းမှတဆင့် Central Park ပန်းခြံကြီးကို စီးမိုးတွေ့မြင်ရသည်။ ဓာတ်ပုံ- Evan Joseph Images)

 

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Nicole Kidman’s fictional home in ‘Babygirl’ can be yours in real life — and for a discount (nypost)

Photo Credit- Everett Collection, Evan Joseph Images, GC Images