Written by မာလကာရွက်က ပုံမှန် စားလေ့စားထ မရှိကြပေမယ့် အရွက်ပြုတ်ရည်ကို ဆံပင်သန်ဖို့ သုံးတာမျိုး အရွက်ရဲ့ သတ္တုရည်ကို အနာကျက်စေဖို့ သုံးတာမျိုး၊ အရွက်ကို ကြိတ်ခြေပြီး အနာတွေပေါ်မှာ အုံတာမျိုးနဲ့ အသားအရေ အလှအပအတွက် သုံးကြတာမျိုးတွေကတော့ တော်တော်များများနဲ့ ရင်းနှီးပြီးသားဖြစ်မှာပါ။ ဒါကြောင့် အခုတစ်ခေါက် ပြောပြပေးချင်တာလေးက မာလကာရွက်ကို စားလို့ရလား! စားလို့ရတယ်ဆိုရင်ရော ကောင်းကျိုးလေးတွေ ရနိုင်မလားဆိုတာကို မျှဝေပေးချင်တာပါ။ မာလကာရွက် စားလို့ ရလား! အရင်ဆုံး မာလကာရွက်ကို စားလို့ရလား! ဆိုတာလေးကို ပြောပြပေးချင်ပါတယ်။ မာလကာရွက်က နေ့စဉ် စားသုံးမှုမှာ ထည့်သွင်းစားလေ့ရှိတဲ့ အရွက်တစ်မျိုး မဟုတ်ပေမယ့် မာလကာရွက် နုနုလေးတွေကိုတော့ နည်းနည်းကျဉ်းကျဉ်း စားလို့ရပါတယ်။ ပြောချင်တာကတော့ မာလကာရွက်ကို ဆေးဖြစ်ဝါးဖြစ်လေးလောက်တော့ စားလို့ ရတယ်လို့ပါ။ အထူးသဖြင့်ကတော့ အရွက်ရင့်တွေမဟုတ်ဘဲ အရွက်နုနုလေးတွေပါ။ […]
