Written by 
(မိုးမခ) နိုဝင်ဘာ ၆ ၊ ၂၀၂၄ ရှေးဘုရင်များ အသက်အရွယ်ရလာ၊ ကံတော်ကုန်ခါနီးလာတော့ရင် ကောင်းမှုတော်စာရင်းတွေ ဖတ်ဖတ်ပြခိုင်းသတဲ့။ ဘဝင်မြူးအောင်တို့၊ ဘဝကူးကောင်းအောင်တို့ ဖြစ်မှာပေါ့။ ဒို့ ဘုရားဒကာကြီးရဲ့ ကောင်းမှုတွေ ဖတ်ပြဖို့တော့ မလွယ်လောက်ပေဘူး။ သူ့သက်တမ်းအတွင်း ပြီးဆုံးအောင် ရွှေနားပန်ဆင်နိုင်မယ် မထင်ဘူး။ ခုက သူတရုတ်မသွားခင် မှီသလောက်လေး ဖတ်ပြတာပါ။ ပြန်ရောက် မရောက်ကလဲ မသေချာတော့ ဘဝကူးကောင်းအောင်ပေါ့လေ။ သူကကျ သူများလက်ထဲက အာဏာ သေနတ်ပြသိမ်းပြီး သူ့မကျေနပ်လို့ဆန္ဒပြတော့ ခေါင်းပစ်တယ်။ အဲလေ ခေတ်ပြောင်းတယ်ပေါ့လေ။ ဒါ ပထမဆုံးကောင်းမှူတော်။ နောက်တော့ နေ့တိုင်းလိုလို လေယဉ်နဲ့ဗုံးကြဲတယ်၊ ပြီးတော့ ဗုံးခိုကျင်း မတူးရအမိန့်ထုတ်တယ်။ ဇီဝိတဒါနပြုပုံဆန်းကျယ်တယ်နော်။ သူ့အသက်တော့မဟုတ်၊ သူများအသက်စွန့်ခိုင်းတာ။ ဘုရားဒကာဆန်ချက်တော့။ စစ်ကြောင်းထိုးတယ်၊ ကလေးအမေနဲ့ အမယ်အိုကအစ လူသားဒိုင်းလုပ်ဖို့ ပစ္စည်းသယ်ဖို့ […]
