Written by 
ရေတာရှည် ၊ နိုဝင်ဘာ ၂၇ ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ်၌ ကျန်းမာရေးဦးစီးဌာနမှ ဆုံဆို့မေးခိုင် ကာကွယ်ဆေး ထပ်ဆောင်းထိုးနှံခြင်းနှင့် သားအိမ်ခေါင်းကင်ဆာရောဂါကာကွယ်ဆေး ထိုးနှံပေးခြင်းကို ယနေ့ နံနက် ၉ နာရီခွဲအချိန်မှစ၍ ရွှေကြက်ယက်အထက်တန်းကျောင်း၊ (၁)ရပ်ကွက် အ.လ.က(ခွဲ)ကျောင်းနှင့် (၄) ရပ်ကွက် အ.လ.က(ခွဲ)ကျောင်းများတွင် ကာကွယ်ဆေးထိုးနှံပေးခဲ့သည်။ ထိုသို့ ကာကွယ်ဆေးထိုးနှံပေးခြင်းကို မြို့နယ်ကျန်းမာရေးနှင့် ကုသရေးဦးစီးဌာနမှူးဦးဆောင်၍ ကျန်းမာရေးဝန်ထမ်းများက အသက်အရွယ်အလိုက် ထိုးနှံပေးခြင်းဖြစ်ရာ ၂၀၂၄- ၂၀၂၅ ခုနှစ် ပညာသင်နှစ်တွင် ပညာသင်ကြားနေသော အသက် (၅)နှစ်ပြည့်ပြီး (၇)နှစ် မကျော်သော (K.G) ကျောင်းသူကျောင်းသားများအား ဆုံဆို့၊ ကြက်ညှာ၊ မေးခိုင်ရောဂါကာကွယ် ဆေးထိုးနှံပေးခြင်းနှင့် အသက်(၉)နှစ်ပြည့်ပြီး (၁၀)နှစ်မကျော်သော ကျောင်းသူတို့ကို သားအိမ်ခေါင်းကင်ဆာရောဂါ ကာကွယ်ဆေးထိုးနှံပေးခဲ့ပြီး ကျန်ရှိသောကျောင်းများကိုလည်း ဆက်လက်ထိုးနှံပေးသွားမည်ဖြစ်ကြောင်း ကျန်းမာရေးဦးစီးဌာနမှ သိရသည်။ […]
