ဒီမန်ရှာရောဂါအမျိုးမျိုးကိုစက္ကန့်ပိုင်းအတွင်းသိရှိနိုင်မည့် လေဆာစမ်းသပ်နည်းအသစ်တွေ့ရှိ

#World_Health
Published 15 November 2024

▪️ ဆောက်သမ်တန် တက္ကသိုလ်ဆေးရုံနဲ့ ဆောက်သမ်တန်တက္ကသိုလ်တို့မှ ပြုလုပ်တဲ့ လေ့လာချက်မှာ လေဆာများအသုံးပြုပြီး သွေး၊ ကျောရိုးအရည်၊ ချွဲသလိပ်တို့ကို စစ်ဆေးကာ ဒီမန်ရှာရောဂါကို စောစီးစွာ ရှာဖွေနေပါတယ်။

▪️ ဒီမန်ရှာရောဂါကို စစ်ဆေးတွေ့ရှိဖို့ အချိန် ၂ နှစ်ခန့်အထိ ကြာမြင့်တတ်ပေမယ့် လေဆာနည်းပညာသစ်ကတော့ လက်ရှိဟာတွေထက် ဈေးသက်သာပြီး စက္ကန့်အပိုင်း ရလဒ်သိရှိနိုင်မှာ ဖြစ်တယ်လို့ ဆိုပါတယ်။

▪️ မူလစမ်းသပ်နည်းများက အယ်လ်ဇိုင်းမားရောဂါကို ရှာဖွေရာမှာ ၉၃ ရာခိုင်နှုန်းကျော် တိကျမှုရှိပါတယ်။

▪️ ဒီလိုနည်းလမ်းက ကျန်းမာရေးစောင့်ရှောက်မှုမှာ အဆင့်အတန်း မြင့်တက်လာရုံမက အာရုံကြောချို့ယွင်းရောဂါတွေကို မြန်ဆန်စွာ သိရှိလာစေမှာ ဖြစ်တယ်လို့ ဆောက်သမ်တန် တက္ကသိုလ်ဆေးရုံမှ ပရော်ဖက်ဆာ ခရစ္စကစ်က ပြောပါတယ်။

▪️ ယူကေမှာ ဒီမန်ရှာရောဂါရှိသူ ၈ သိန်းခွဲကျော်ရှိနေပြီး ၂၀၄၀ အရောက်မှာ ၁.၄ သန်းအထိရှိလာမယ်လို့ ခန့်မှန်းရပါတယ်။

▪️ လူနာအများစုဟာ ရောဂါနောက်ပိုင်းအဆင့် ရောက်တဲ့အခါမှသာ သိရှိကြပြီး ကုသရ ခက်ခဲလာကြပါတယ်။

▪️ ဒီလိုနည်းလမ်းဟာ တကယ်လိုအပ်နေတဲ့ အရာတွေကို ဖြည့်ဆည်းပေးရာရောက်တယ်လို့ မော်လီကျူးဘိုင်အိုဖိုတွန်နစ် ပရော်ဖက်ဆာ ဆူမိမဟာဂျန်က ပြောသွားပါတယ်။

▪️ အဆိုပါ လေဆာနည်းပညာက ဒီပြဿနာတွေကို ဖြေရှင်းပေးပြီး လူနာများ ရောဂါစစ်ဆေးမှုမှာ တိုးတက်စေလိမ့်မယ်လို့ ပြောသွားပါတယ်။

#Source: Metro

Source link