လိပ်ပြာငယ် အင်ဒိုသရဲကား ရှောင်

Horror ရုပ်ရှင်ဖန်တွေကတော့ အင်ဒိုသရဲကား တွေအကြောင်း ကောင်းကောင်း သိကြပါလိမ့်မယ်။ အင်ဒိုသရဲကားတွေဟာ အကြံအဖန်မဟုတ်ပဲ အမှန်အကန်ကြီးကို ထိတ်လန့်ခြောက်ခြားစရာ ရသအပြည့်အဝ ပေးတာပါ။ အင်ဒိုတွေရဲ့ အနုပညာတင်ဆက်မှုကတော့တော်ရုံတန်ရုံ မကြောက်တက်ပါဘူးဆိုတဲ့ သူတွေတောင် ချွေးပျံရတဲ့အထိပါပဲ။ ဒီတစ်ခေါက်တော့ Horror ရုပ်ရှင် ခပ်ကြမ်းကြမ်းတွေမှ ကြည့်ချင်တဲ့ ရုပ်ရှင်ဝါသနာအိုးတို့အတွက် အကောင်းဆုံး အင်ဒိုသရဲကားတွေကို တင်ဆက်ပေးချင်ပါတယ်။

(၁) Impetigore (2019)

 

 

Source : Shudder

အမွေကိစ္စနဲ့ ဝေးလံခေါင်သီတဲ့ ဘိုးဘွားတွေရဲ့ ရွာကို ရောက်ရှိလာတဲ့ မင်းသမီး။ ဒီရွာကြီးမှာ သူမ ဘယ်လိုမျိုး ထူးဆန်းတဲ့ အဖြစ်အပျက်တွေ ၊ ထိတ်လန့်စရာတွေ ကြုံတွေ့ရမလဲ ဆိုတာ Impetigore ရုပ်ရှင်ဇာတ်ကားမှာ အဖြေရှာ ကြည့်ရအောင်ပါ။

(၂) Satan’s Slaves (2017) ‌

Source : Shudder

ဆရာဝန်တွေ အဖြေရှာမရတဲ့ ထူးထူးဆန်းဆန်း ရောဂါနဲ့ မိခင်ဖြစ်သူ သေဆုံးပြီးနောက်မှာ နတ်ဆိုးတွေ ၊ မကောင်းဆိုးဝါးတွေနဲ့ ဆက်စပ်နေတဲ့ အဖြစ်အပျက်တွေ ဆက်တိုက် ဖြစ်လာပါတော့တယ်။ သေဆုံးသူ မိခင်က သားသမီးတွေကို သေရွာဆီ ခေါ်ဆောင်ဖို့ လာခဲ့တာလား ၊ သားသမီးတွေကရော ထူးဆန်းတဲ့ အဖြစ်အပျက်တွေနဲ့ အသက်ဘေးကနေ လွတ်နိုင်မလား Satan’s Slaves ဇာတ်ကားထဲမှာ ကြည့်ရှုခံစားလိုက်ပါ။

(၃) May the Devil Take You (2018) ‌

Source : BFI

ဘဝနဲ့ လောင်းကြေးထပ် နတ်ဆိုးနဲ့ အပေးအယူ လုပ်ခဲ့သူ ၊ နတ်ဆိုးနဲ့အပေးအယူ လုပ်ခြင်းကနေ နောက်ဆက်တွဲအနေနဲ့ ဘယ်လိုမျိုး ကံဆိုးမိုးမှောင် ကျမှုတွေကြုံရမလဲ ? နတ်ဆိုးရဲ့ နောက်ကွယ်က ကြိုးကိုင်ချယ်လှယ်မှုတွေနဲ့ လှည့်ကွက်တွေက ဘယ်လောက်ထိ ရက်စက်ပြင်းထန်လဲ ? ဆိုတာ May the Devil Take You ဇာတ်ကားထဲမှာ ခံစားကြည့်ရှု လိုက်ရအောင်ပါ။

(၄) The Queen of Black Magic (2019)

Source : Shudder

ငယ်ငယ်က ကြီးပြင်ခဲ့ရာ မိဘမဲ့ဂေဟာကို သွားရောက်လည်ပတ်ခဲ့တဲ့ မိသားစု။ တကယ်တော့ ဒီဂေဟာကြီးက သဘာဝလွန်ဖြစ်ရပ်တွေ ၊ ပဟေဋိတွေနဲ့ ပြည့်နှက်နေတာပါ။ ထူးဆန်းတဲ့ လူသေဆုံးမှုတွေ ၊ ပျောက်ဆုံးနေတဲ့ ကလေးငယ် ၊ နှစ်ပေါင်းများစွာ ပိတ်ထားတဲ့ အခန်းတစ်ခု ၊ ဒါတွေနဲ့ ဆက်စပ်ပြီး ဘယ်လိုမျိုး ထိတ်လန့်ခြောက်ခြားစရာကောင်းတဲ့ အဖြစ်အပျက်တွေ ၊ သဘာဝလွန်ဖြစ်ရပ်တွေ ကြုံတွေ့ရမလဲဆိုတာ The Queen of Black Magic ဇာတ်ကားထဲမှာ ကြည့်လိုက်ပါဦးနော်။

Source : IMDB

Featured Photo : JustWatch