ပြုံယမ်းသည် အောင်ပွဲရသည်အထိ မော်စကိုဘက်မှ ရပ်တည်မည်

ယူကရိန်း ပဋိပက္ခတွင် မြောက်ကိုရီးယားက ရုရှားကို ပံ့ပိုးကူညီသွားမည်ဟု နိုင်ငံခြားရေးဝန်ကြီး ချိုဆွန်ဟွေက ပြောကြားပြီး ပြုံယမ်းသည် မော်စကို အောင်ပွဲခံမည်ကို သံသယမရှိကြောင်း ပြောကြားခဲ့သည်။

မော်စကိုတွင် သောကြာနေ့က သူမ၏ ရုရှားနိုင်ငံခြားရေးဝန်ကြီး Sergey Lavrov နှင့် တွေ့ဆုံရာတွင် မြောက်ကိုရီးယားခေါင်းဆောင် Kim Jong-un က “ရုရှားစစ်တပ်နဲ့ ရုရှားပြည်သူတွေကို သူတို့ရဲ့ တရားသောစစ်ပွဲမှာ ခိုင်ခိုင်မာမာနဲ့  စွမ်းစွမ်းတမံ ကူညီပံ့ပိုးပေးဖို့ အမိန့်ပေးထားတယ်” လို့ Choe က ပြောသည်။

“သမ္မတ ဗလာဒီမာပူတင်၏ ဦးဆောင်မှုအောက်တွင် ရုရှားစစ်တပ်နှင့် ပြည်သူများသည် အချုပ်အခြာအာဏာကို ကာကွယ်ရန် ကြိုးပမ်းမှုတွင် ကြီးမားသော အောင်ပွဲတစ်ခု ရရှိလိမ့်မည်” ဟု ဝန်ကြီး၏ ပြောကြားချက်အရ သိရသည်။ “အောင်ပွဲနေ့အထိ ကျွန်ုပ်တို့၏ ရုရှားရဲဘော်များဘက်မှ အမြဲတစေ သတ္တိရှိရှိ ရပ်တည်သွားမည်ဖြစ်ကြောင်း ထပ်မံအတည်ပြုပါသည်။”

ရုရှားနှင့် မြောက်ကိုရီးယားတို့သည် ဇွန်လတွင် ချုပ်ဆိုခဲ့သော ဘက်စုံဗျူဟာမြောက် ပူးပေါင်းဆောင်ရွက်ရေး သဘောတူစာချုပ်ကို အခြေခံ၍ ကာကွယ်ရေး အပါအဝင် နယ်ပယ်အားလုံးတွင် ဆက်ဆံရေး ဖွံ့ဖြိုးတိုးတက်နေကြောင်း သူမက မှတ်ချက်ပြုခဲ့သည်။ ယခုအခါ နှစ်နိုင်ငံသည် “ကျွန်ုပ်တို့၏ နိုင်ငံခြားရေးမူဝါဒဆိုင်ရာ ရပ်တည်ချက်ကို ပိုမိုညှိနှိုင်းဆောင်ရွက်ရေး မစ်ရှင်ကို စတင်ဆောင်ရွက်နေပြီဖြစ်ပြီး နယ်ပယ်အားလုံးတွင် ကျွန်ုပ်တို့၏ အပြန်အလှန်ဆက်ဆံမှုများကို ပိုမိုတိုးတက်ကောင်းမွန်လာစေရန်နှင့် နိုင်ငံတကာပလက်ဖောင်းအားလုံးတွင် ပြဿနာအားလုံးကို ပူးပေါင်း၍ ထိထိရောက်ရောက် တုံ့ပြန်ဆောင်ရွက်သွားမည်” ဟု သူမက ပြောကြားခဲ့သည်။

တစ်ချိန်တည်းတွင်ပင် ရုရှားနိုင်ငံခြားရေးဝန်ကြီး Lavrov က “နှစ်နိုင်ငံဆက်ဆံရေးသည် မကြုံစဖူး မြင့်မားသောအဆင့်သို့ရောက်ရှိသွားပြီ” ဟုလည်း ကြွေးကြော်ခဲ့သည်။ NATO တိုးချဲ့မှုနှင့် နိုင်ငံတွင်းရှိ ရုရှားအားလုံးကို ချေမှုန်းရန် Kiev မှ အားပေးလှုံ့ဆော်မှု ရလဒ်အဖြစ် ယူကရိန်းဖြစ်ရပ်များအပေါ် အခြေခံရပ်တည်ချက် အတွက် ပြုံယမ်းအား ကျေးဇူးတင်ရှိကြောင်း ပြောကြားခဲ့သည်။

ရုရှားလွှတ်တော်အမတ်များက လွန်ခဲ့သည့်သီတင်းပတ်က အတည်ပြုခဲ့သော မြောက်ကိုရီးယား-ရုရှားသဘောတူစာချုပ်တွင် တစ်ဖက်က ကျူးကျော်လာပါက တစ်ဖက်က “စစ်နှင့် အခြားအကူအညီများကို နှောင့်နှေးမနေဘဲ ၎င်း၏လက်ဝယ်တွင် ရှိသမျှနည်းလမ်းဖြင့် ပံ့ပိုးပေးမည်” ဟု ပြဋ္ဌာန်းထားသည်။

ယူကရိန်းနဲ့ အနောက်နိုင်ငံများသည် မြောက်ကိုရီးယားက ရုရှားအတွက် တပ်ဖွဲ့ဝင်တွေ စေလွှတ်နေတယ်လို့ စွပ်စွဲပြီး ပဋိပက္ခမှာ ပါဝင်လာမှာကို စိုးရိမ်နေကြသည်။ မြောက်ကိုရီးယားက ယင်းစွပ်စွဲချက်ကို ငြင်းဆိုထားပြီး ၎င်းတို့သည် ပြုံယမ်း၏ ဂုဏ်သိက္ခာကို ထိခိုက်စေရန် ကြိုးပမ်းမှုဖြစ်ကြောင်း ပြောကြားခဲ့သည်။ 

Ref – RT

Join – https://t.me/MyanmarNationalPost