وفاقی کابینہ کا اجلاس آج دوپہر ڈھائی بجے تک ملتوی

وزیراعظم شہباز شریف کی زیر صدارت وفاقی کابینہ کے اجلاس میں 26 ویں آئینی ترمیم سے متعلق کوئی فیصلہ نہیں ہوسکا، اجلاس آج دوپہر ڈھائی بجے دوبارہ ہوگا۔

پارلیمنٹ میں وزیراعظم کے چیمبر میں وفاقی کابینہ کا اجلاس ہوا جس میں 26 ویں آئینی ترمیم کے مسودے پر غور کیا گیا۔

اجلاس میں تمام وفاقی وزراء اور اٹارنی جنرل نے شرکت کی۔

خیال رہے کہ وفاقی کابینہ کے اجلاس کے لیے کل صبح ساڑھے 9 بجے کا وقت دیا گیا تھا جسے تبدیل کر کے پہلے11 بجے، پھر دوپہر ساڑھے 12 بجے اور پھر 2 بجے کیا گیا۔

مسلسل وقت تبدیل کیے جانے کے بعد اسے بلآخر ملتوی کردیا گیا تھا۔