လူငယ်အကြိုက်သရုပ်ဆောင်တွေ ပါဝင်သွားမယ့် Knives Out

Knives Out 3 ထွက်ရှိလာဖို့ကို ကြေငြာပြီးချိန်မှာ ပရိသတ်တွေအသိချင်ဆုံးက ပါဝင်ကြမယ့်သရုပ်ဆောင်တွေပါပဲ။ ဒီရုပ်ရှင် franchise ပရိသတ်တွေဟာ fancast တွေပါလုပ်နေပြီဖြစ်ပြီး ရုပ်ရှင်နာမည်ကြေငြာပြီးမကြာသေးခင်မှာပဲ ပါဝင်မယ့်သရုပ်ဆောင်တွေကို ဖော်ပြလိုက်ပါတယ်။

Priscilla နဲ့ Civil War သရုပ်ဆောင် Cailee Spaeny ဟာ Wake Up Dead Man: A Knives Out Mystery ထဲမှာပါဝင်လာတော့မှာဖြစ်ပြီး မကြာသေးခင်ကထွက်ရှိထားတဲ့ Challengers ရုပ်ရှင်နဲ့ ပရိသတ်တွေအကြိုက်တွေ့နေတဲ့ Josh O’Connor လည်း ပါဝင်မယ့်သရုပ်ဆောင်စာရင်းထဲ ဝင်လာခဲ့ပါတယ်။

ဒါရိုက်တာ Rian Johnson ဟာ အရှေ့မှာလည်း Outer Banks နဲ့နာမည်ကြီးလာတဲ့ Madelyn Cline ကို Glass Onion: A Knives Out Mystery မှာထည့်သွင်းဖူးလို့ ဒီတစ်ခါအင်တာနက်ကြိုက် သရုပ်ဆောင်တွေထည့်လာတာမဆန်းပါဘူး။ ဒီလိုပြောလို့ သူတို့ရဲ့သရုပ်ဆောင်စွမ်းရည်တွေကို အရေးအရာမလုပ်တာမဟုတ်ပါဘူး။ ဒါရိုက်တာ Rian Johnson ရဲ့ ရုပ်ရှင်ကိုအောင်မြင်ဖို့နည်းသုံးလေ့ရှိတာကို ပြောချင်တာပါ။

Wake Up Dead Man: A Knives Out ရုပ်ရှင်မှာ သူတို့တွေပိုနေရာရပြီး ဇာတ်ကောင်လုပ်ကွက်ရှိမယ်လို့ မျှော်လင့်ပါတယ်။ ဒီနှစ်ပိုင်းတွေထဲမှာ မျက်နှာသစ်တွပဲနေရာယူလာတာမို့လို့ ဟောလိဝုဒ်ဟာ မျိုးဆက်အသစ်ကို ကူးပြောင်းနေပြီလို့ဆိုလို့ရပါတယ်။ Wake Up Dead Man: A Knives Out ရုပ်ရှင်ကတော့ နောက်နှစ်မှထွက်မှာမို့လို့ စောင့်မျှော်ရပါဦးမယ်။

Ref: Collider