Batgirl ရုပ်ရှင်မရိုက်ဖြစ်လိုက်တဲ့ဒါရိုက်တာနဲ့ Spider-Man 4 ကောလဟာလ

ဒီလပိုင်းတွေမှာ Tom Holland ရဲ့ Spider-Man 4 ရှိလာမယ်ဆိုတဲ့ သတင်းတွေကြားရမယ်ထင်ပါတယ်။ ပရိသတ်တစ်ယောက်အနေနဲ့ဆို ဒီ franchise ဟာ သူ့ရုပ်ရှင်တွေနဲ့ ပြီးပြည့်စုံနေပြီလို့ ခံစားရမှာဖြစ်ပေမယ့် နောက်ထပ်ထွက်ရှိမယ့်သတင်းတွေက များသထက်များလာတော့ တကယ်ပဲထွက်ရှိဖို့ဖြစ်လာမလားဆိုတာပါပဲ။

မရိုက်ဖြစ်၊ မထွက်ရှိဖြစ်လိုက်တဲ့ Batgirl ရုပ်ရှင်ဒါရိုက်တာတွေဖြစ်တဲ့ Bilall Fallah နဲ့ Adil El Arbi တို့ဟာ Spider-Man 4 အတွက် ရိုက်ကူးဖို့ရှိတယ်ဆိုတဲ့အသံထွက်လာပါတယ်။ အင်တာဗျူးနဲ့  Arabic MDC မှာ Spider-Man 4 နဲ့ ပက်သက်တဲ့ကောလဟာလတွေအကြောင်းမေးတဲ့အခါ ဒါရိုက်တာ Bilall Fallah က  “ကျွန်တော် အဲ့အကြောင်း ပြောလို့မရဘူး” လို့ပဲဖြေကြားခဲ့ပါတယ်။ 

Sony ရဲ့ အမှုဆောင်ဒါရိုက်တာတစ်ယောက်ကလည်း Tom Holland ရဲ့ နောက်ထပ် Spider-Man ရုပ်ရှင်အတွက် အထူးအစီအစဥ်ရှိတယ်ဆိုတဲ့အကြောင်း ပြောကြားထားပါတယ်။ ပရိသတ်တွေက Mile Morales universe နဲ့ချိတ်သွားပြီး Tom Holland အတွက် Spider-Man 4 ဟာနောက်ဆုံးရုပ်ရှင်ဖြစ်မယ်လို့လည်း ခန်းမှန်းနေကြပါတယ်။ 

Bilall Fallah နဲ့ Adil El Arbi တို့ဟာ Disney+ ရဲ့ Ms. Marvel စီးရီး အပိုင်း ၂ ပိုင်းရိုက်ဖူးလို့ စူပါဟီးရိုးလောကနဲ့မစိမ်းတဲ့အပြင် Bilall Fallah ကလည်း မရိုက်ဖြစ်ခဲ့တဲ့ Batgirl အတွက်ဒါရိုက်တာဖြစ်ခဲ့ပါတယ်။ ဒါကြောင့် Tom Holland ရဲ့ Spider-Man 4 တကယ်လာတော့မှာလား။ Tom Holland ကတော့ Romeo & Juliet ပြဇာတ်ကနေပါပြီး အရင်လို မ spoil တော့လို့ သို့လော သို့လောတွေဖြစ်နေပါတယ်။