Written by 
Adunay moabot, dunay mobiya
Anaay mosaka, may monaug
Dunay molingkod, may mobarug
May mosugat ug may mopalarga
Adunay naninda, dunay mopalit
May nagpaabot ug may gipaabot
May nangalimyon, naay nangalisbo
Dunay gikarga, dunay gidiskarga
May gabaguod, dunay naghayon
Adunay puno, ug may bakante
Naay gasyagit, may gahilom
Dunay nagpahiyom, may nagkulismaot
Dunay gapundok, apan may nag-inusara
May giunongan, may biniyaan…
Nga mao ang tinagurhang dagway sa
Hulagway nga tipik sa kinutoban.