ورکرز علی امین گنڈاپور کو فالو کریں، بشریٰ بی بی کا کارکنوں کو پیغام

بانی پی ٹی آئی کی اہلیہ بشریٰ بی بی نے پارٹی ورکرز کو پیغام جاری کیا ہے، جس میں انھوں نے تمام کارکنوں سے کہا ہے کہ وہ علی امین گنڈاپور کو فالو کریں۔

بشریٰ بی بی نے مزید کہا وزیر اعلیٰ علی امین گنڈاپور کو ڈی چوک اپنے ہمراہ لے کر چلیں۔ انہوں نے علی امین گنڈاپور کو قافلے کو فرنٹ سے لیڈ کرنے کے احکامات بھی دیے۔ 

بشریٰ بی بی علی امین کے قافلے کے پیچھے ہیں، علی امین گنڈاپور آہستہ آہستہ ڈی چوک کی جانب روانہ ہوئے ہیں۔

اس سے قبل ریلی کے شرکاء سے خطاب کرتے ہوئے بانی پی ٹی آئی عمران خان کی اہلیہ بشریٰ بی بی نے کہا کہ خان کو لیے بغیر ڈی چوک سے نہیں نکلوں گی۔

بشریٰ بی بی کا کہنا تھا کہ ہم پُرامن ہیں پھر آپ ہم پر شیلنگ کیوں کرتے ہیں؟

انہوں نے کہا کہ کیا آپ کو نہیں پتہ خان صرف حق اور سچ کی آواز کیلئے لڑ رہے ہیں۔ وہ حق کیلئے کھڑا ہے، آپ شیلنگ کیوں کرتے ہیں؟

انکا کہنا تھا کہ وعدہ کریں، جب تک خان ہمارے درمیان نہ آجائیں ڈی چوک نہیں چھوڑیں گے۔