Written by 
Samsung Myanmar Love & Care အစီအစဉ်၏ တစ်စိတ်တစ်ပိုင်းအဖြစ် ငွေကျပ်သိန်း ၄၀၀ တန်ဖိုးရှိ သင်ကြားရေး အထောက်အကူပြု ပစ္စည်းများဖြစ်သည့် Samsung တီဗီ၊ စမတ်ဖုန်းနှင့် Tablet များအပြင် ကျောင်းသား၊ ကျောင်းသူများအတွက် နေ့လည်စာ၊ မုန့်နှင့်အအေးတို့အား မြင်သာမြို့ဦး ဘုန်းတော်ကြီး ပညာသင်ကျောင်းနှင့် လူငယ်ဖွံ့ဖြိုးရေး ပရဟိတဂေဟာသို့ နိုဝင်ဘာလ ၂၁ ရက်နေ့တွင် သွားရောက်လှုူဒါန်းခဲ့သည်။
Image: Samsung
အဆိုပါ လှူဒါန်းမှုအခမ်းအနားအား Samsung Myanmar အဖွဲ့သားများနှင့်အတူ နိုင်ငံကျော် အနုပညာရှင် မေတိုးခိုင်လည်း တက်ရောက်ခဲ့ပြီး ဂေဟာရှိ ကျောင်းသား၊ ကျောင်းသူများနှင့်အတူ ရင်းနှီးပျော်ရွှင်စွာ အမှတ်တရများကို ဖန်တီးခဲ့ကြသည်။ ထို့နောက်တွင်မှ Samsung Myanmar အဖွဲ့သားများမှ ကျောင်းသား၊ ကျောင်းသူများအတွက် နေ့လည်စာများကို လှူဒါန်းကျွေးမွေးခဲ့ကြသည်။
Image: Samsung
Samsung Myanmar သည် Love & Care အစီအစဉ်မှတဆင့် လှုမှုအသိုင်းအဝိုင်းများ၏ လိုအပ်ချက်များကို တစ်ဖက်တစ်လမ်းက ဖြည့်ဆည်းပေးနိုင်ရင် ပံ့ပိုးကူညီမှုများအား စဉ်ဆက်မပြတ် လုပ်ဆောင်လာသည်မှာ ၈ နှစ်တိုင်တိုင် ရှိပြီဖြစ်သည်။ ယခုနှစ်တွင်မူ Samsung ထုတ်ကုန်များဖြင့် သင်ကြားရေးအထောက်အကူပြုစေနိုင်မည့် နေရာများသို့ ရွေးချယ်လှူဒါန်းကြခြင်းဖြစ်ပြီး စုစုပေါင်း ငွေကျပ်သိန်း ၁၆၀၀ ကျော်တန်ဖိုးရှိ Samsung ထုတ်ကုန်များကို လှုဒါန်းပေးသွားမည်ဖြစ်ပါသည်။