ဒေါ်လာ ၈၃ ဘီလျံတန်ကြေးရှိ ရွှေသိုက်ကြီးကို တရုတ်နိုင်ငံအလယ်ပိုင်းမှာ တွေ့ရှိ

၂၃. ၁၁. ၂၀၂၄က
Translated by Thettant

တရုတ်နိုင်ငံအလယ်ပိုင်း ဟူနန်ပြည်နယ်မှာ ဒေါ်လာဘီလျံပေါင်းများစွာတန်တဲ့ ကြီးမားတဲ့ရွှေသိုက်တစ်ခုကို ရှာဖွေတွေ့ရှိခဲ့တယ်လို့ သိရပါတယ်။

ဒီရွှေသိုက်ကြီးကို Pingjiang ခရိုင်ရှိ Wangu ရွှေတွင်းရဲ့ မြေအောက် မီတာ ၂၀၀၀ (ပေ ၆၅၆၀) အောက်မှာ ရွှေကြောအသစ် ၄၀ ကျော် ပါဝင်မှုနဲ့အတူ ရှာဖွေတွေ့ရှိခဲ့တာဖြစ်ပြီး ရွှေသိုက်ရဲ့ အူတိုင်ဧရိယာက ခန့်မှန်းမယ်ဆို စုစုပေါင်းရွှေတန်ချိန် ၃၀ဝ ကျော်အထိ ရှိနိုင်တယ်လို့ ဟူနန်ပြည်နယ် ဘူမိဗေဒအင်စတီကျုက ကြာသပတေးနေ့မှာ ထုတ်ပြန်ခဲ့ပါတယ်။

ဒီရွှေသိုက်ကြီးဟာ လက်ရှိဈေးကွက်ပေါက်ဈေးအရ ယွမ်ငွေ ၆၀၀ ဘီလျံ (အမေရိကန်ဒေါ်လာ ၈၂ ဒသမ၈ ဘီလျံ) ခန့် တန်ကြေးရှိမယ်လို့ ခန့်မှန်းထားပြီး ဒီ ရှာဖွေတွေ့ရှိမှုဟာ တရုတ်နိုင်ငံရဲ့ သတ္တုရှာဖွေရေးမဟာဗျူဟာအတွက် အဓိကအောင်မြင်မှုတစ်ခုဖြစ်တယ်လို့ ဘူမိဗေဒ အင်စတီကျုရဲ့ဒုတိယဥက္ကဋ္ဌ Liu Yongjun က ပြောကြားခဲ့ပါတယ်။