Miss World Myanmar 2025 ပြိုင်ပွဲကြီးကို National Director အဖြစ် လုပ်ဆောင်သွားမည့် ထူးအံ့လွင် –

လာမယ့်၂၀၂၅ ခုနှစ် ဒီဇင်ဘာမှာကျင်းပမယ့် Miss World Myanmar 2025 ကို ယခင် Miss Grand Myanmar ရဲ့ National Director လုပ်ခဲ့တဲ့ ထူးအံ့လွင်က လုပ်ဆောင်သွားမှာဖြစ်တယ်လို့ သိရပါတယ်။“Miss World Myanmar 2025 က ဘယ်သူဖြစ်မလဲ။ ဒီဇင်ဘာမှာ လာမယ်”လို့ National Director ထူးအံ့လွင်က ပရိသတ်သိအောင်ပြောလာပါတယ်။သူလုပ်ဆောင်သွားမယ့် Miss world Myanmar 2025 အကြောင်းကို တင်လိုက်ပြီးတဲ့ Post အောက်မှာ ပရိသတ်တွေ အများစုက ထောက်ပံ့အားပေးနေကြတာလည်း တွေ့ရပါတယ်။

ထူးအံ့လွင်ကတော့ Miss Grand Myanmar ရဲ့ National Director အနေနဲ့ ဆောင်ရွက်ခဲ့ချိန်ကလည်း မြန်မာနိုင်ငံ ကိုယ်စားပြုအလှမယ်တွေကို အကောင်းဆုံး မွေးထုတ်ပေးခဲ့သူလည်းဖြစ်ပါတယ်။ Miss Grand International ပြိုင်ပွဲကြီးတွေမှာ National Director လုပ်ခဲ့ချိန် ၂၀၂၃ ခုနှစ်မှာ အလှမယ် နီနီလင်းအိမ်က 1st Runner Up Title ဆုကို ရရှိခဲ့သလို ၂၀၂၄ ခုနှစ်မှာလည်း အလှမယ် သဲစုညိမ်းက 2nd Runner Up ဆုကိုရရှိခဲ့တာလည်းဖြစ်ပါတယ်။

ထိုင်းနိုင်ငံမှာ အိမ်ရှင်အဖြစ်ကျင်းပခဲ့တဲ့ Miss Grand International ပြိုင်ပွဲကြီးနဲ့ ပတ်သက်ပြီး အခြေအနေအကြောင်း ကြောင်းကြောင့် လမ်းခွဲပြီးနောက် Miss World Myanmar ပြိုင်ပွဲကြီးကို National Director အဖြစ် လုပ်ဆောင်သွားမှာ လည်းဖြစ်ပါတယ်။