महाराष्ट्रात आज महापरीक्षा! नऊ कोटी ७७ लाख मतदारांचे फेव्हरेट कोण? ४१३४ उमेदवार रिंगणात

मुंबई : विधानसभा निवडणुकीसाठी राज्यात नऊ कोटी ७० लाख २५ हजार ११९ मतदारांची नोंद करण्यात आली आहे. लोकसभा निवडणुकीत राज्याच्या अनेक भागांत, खास करून शहरी भागांत मतदानाची टक्केवारी घटली होती. त्यामुळे विधानसभेत मतदानाचा टक्का कितीपर्यंत पोहोचतो, याकडे लक्ष आहे. मतदारांनी मतदानाला जाताना मोबाइल मतदान केंद्रावर घेऊन जाऊ नये, असे आवाहन आयोगाकडून पुन्हा एकदा केले आहे.किती मतदार बजावणार हक्क? पुरुष ५ कोटी २२ हजार ७३९महिला ४ कोटी ६९ लाख ९६ हजार २७९ तृतीयपंथी ६ हजार १०१ दिव्यांग ६ लाख ४१ हजार ४२५ सेना दलातील मतदार १ लाख १६ हजार १७० एकूण ९ कोटी ७७ लाख ८२ कोण, किती जागा लढणार? लढवत पक्षाचे नाव असलेल्या जागा भाजप : १४९ शिवसेना : ८१ राष्ट्रवादी काँग्रेस : ५९ काँग्रेस : १०१ राष्ट्रवादी (शप) काँग्रेस : ८६ शिवसेना (उबाठा) : ९५ मनसे : १२५ वंचित बहुजन आघाडी : २०० बसप : २३७ अपक्ष : २,०८६ मतदानासाठी ओळखपत्र मतदानासाठी मतदाराकडे मतदार ओळखपत्र असल्यास उत्तम. ते नसेल तर १२ प्रकारच्या ओळखपत्रांपैकी कोणतेही एक ओळखपत्र दाखवून मतदार मतदानाचा हक्क बजावू शकतो. ओळखपत्राची हार्ड कॉपी सोबत बाळगणे आवश्यक आहे. डिजिटल स्वरूपातील ओळखपत्र ग्राह्य धरले जाणार नाही, असे प्रशासनाने स्पष्ट केले आहे.ही ओळखपत्रे ग्राह्य ■ आधार कार्ड मनरेगा जॉब कार्ड बँक / पोस्टाद्वारे जारी केलेले फोटोसह असलेले पासबुक ■श्रम मंत्रालय योजनेअंतर्गत जारी केलेले विमा स्मार्ट कार्ड ड्रायव्हिंग लायसन्स■ पॅनकार्ड एनपीआर अंतर्गत आरजीआईद्वारा जारी केलेले स्मार्ट कार्ड■ भारतीय पासपोर्ट फोटोसह पेन्शन दस्तावेज ■ केंद्र/राज्य सरकार/लोक उपक्रम/पब्लिक लि. कंपनीद्वारे कर्मचाऱ्यांना जारी केलेले फोटोसह ओळखपत्र ■संसद सदस्य विधान सभा/विधान परिषद सदस्यांसाठी जारी केलेले ओळखपत्र ■सामाजिक न्याय विभाग भारत सरकार यांच्याकडून निर्गमित केलेले ■युनिक डिसअॅबिलिटी कार्ड (यूआयडी) १ लाखाहून अधिक मतदानकेंद्रे मतदानकेंद्रे : १ लाख ४२७ सर्वाधिक मतदान केंद्र पुणे : ८ हजार ४६२ मुंबई उपनगर : ७ हजार ५७९ठाणे : ६ हजार ९५५ नाशिक : ४ हजार ९२२ नागपूर : ४ हजार ६३१मोबाइल ठेवा घरीच मतदानाला जातेवेळी मोबाइल सोबत घेऊन जाण्यास निवडणूक आयोगाने बंदी घातली आहे. त्यामुळे मतदारांना बुधवारी (दि. २०) मतदानाचे दिवशी मतदान केंद्राच्या परिसरात मोबाइल वापरास परवानगी नसेल. त्यामुळे मतदानाला जाताना मतदारांनी मोबाइल घरीच ठेवावेत किंवा घरातील कुटूंबीय केंद्रावर एकत्रित गेल्यास एका सदस्याकडे मोबाइल जमा करून इतर सदस्य मतदानाचा हक्क बजावण्यासाठी केंद्रात जाऊ शकतील.